138            ARTISTES PARISIENS DU XVIe ET DU XVIIe SIÈCLE.
Jehan-François Rustici, faiseur et tailleur d'imaiges pour le Boy nostre Sire, demeurant à Sainct-Germain-des-Prez-lez-Paris, rue de Tournon, natif du pays de Venise, lequel, de son bon gré, bonne volunté, propre mou­vement et certaine science, sans force, fraulde, erreur, séduction, induction, con­traincte ou decepvance aucune, recongnut et confessa en la presence et par devant lesd, notaires, comme en droict jugement par de­vant nous, avoir donné, ceddé et transporté et par ces presentes donne, cède et trans­porte, du tout dès maintenant à tousjours, en pur don irrévocable faict entre vifz, sans espoir de jamais le révocquer, à Cesar Ben­intendi, filz de David Benintendi, mar­chant demeurant à Florence, led. David, procureur et entremecteur des affaires dud. Rusticy, à ce present, stipullant et acceptant pour led. Cesar, son filz, la moictié de tous les noms, raisons et actions qui aud. Jehan-François Rustici peuvent el doibvent com­pecter et appartenir à cause des repparations elmeliorations par luy faictes en une maison .assise esd. faulxbourgs Sainct-Germain, en lad. rue de Tournon, en laquelle led. de Rustici est à present demourant par le moyen de la donation à luy faicte par le Roy nostre sire, ensemble la moictié de toutes et chas-cunes les sommes de deniers et gaiges qui aud. donateur sont, peuvent et pourront cy-après estre deues par le Roy nostredit sei­gneur, tant à cause de ses gaiges que autre­ment, dont et desquelles choses il faict led. César, acteur, pourchasseur, receveur et .quicteur, et le subrogue et mect du tout en son lieu. Cestz don, cession et transport faictz à la réservation toutesvoyes de l'usuf-fruict et joissance desd, choses données, la vye durant tant seullement dud. donateur, et pour le bon amour qu'il a aud. Cesar Ben­intendi, et aussi pour les bons et agréables services que led. David Benintendi a faictz
aud. Rustici comme procureur et entremec­teur de ses affaires, et que tel estoyt son plaisir et voulloir de ainsi le faire. Et oultre, a led. Rustici voullu, promis, consenti et accordé que où il seroit remboursé, pendant sad. vye desd, repparacions et melioralions par luy faictes en lad. maison, en ce cas, de emploier ia moictié des deniers provenans desd, repparacions en acquisitions d'autres choses estant, pour ou nom et au prouffict d'icellui Cesar Benintendi. Lesquelz don, cession, transport, promesses et autres choses dessusdictes et en cesd, presentes contenues et escriptes, led. Jehan-François Rustici,do­nateur, promist et jura par les foy et sere­ment de son corps avoir agréables, tenir fermes et estables à tousjours, sans jamais à nul jour aller ne venir au contraire, ainçois rendre et payer à pur et à plain, et sans aucun playt ou procès, tous coustz, fraiz, mises et despens, dommaiges et interestz qui faictz seroient par défault des choses dessus­dictes non deuement acomplies, selon et ainsi que dessus est dict, soubz l'obligation de tous ses biens meubles et immeubles, presens et advenir, qu'il en (a) soubzmis et sôubzmect pour ce du tout à la jurisdiction et contraincte de lad. Prevosté de Paris et de toutes autres justices et jurisdictions où trouvez seront. Et renonça, en ce faisant, ex­pressement à toutes exceptions de déception, noms, raisons, deffences, oppositions, à . tous bàratz, cautelles, cavilacions, et à toutes autres choses generallement quelzconques à ces lettres contraires, et au droict disant ge­nerale renonciation non [valloir]. En tes­moing de ce nous, à la rellation desd, no­taires, avons faict mectre le seel de lad. Prevosté de Paris à ces lettres qui furent faictes et passées, l'an 1544, le mercredi second jour de juillet. Signé : Cartault et Perier, et seellées sur double queue dé cire vert. Et au doz desd, lettres est escript ce